~ بسم الله الرحمن الرحيم ~
.jpg)
فيه ناس كتير اوى واخدة فكرة زبالة عن مجال الجيمينج
و ده طبعا مش بمزاجهم ده عشان لما مثلا تروح تصلح جهازك و الراجل يحطلك عليه العاب
تلاقى الالعاب دى انجرى بيردس و فارم فرينزى و هاوس اوف ديد و كلاو
يبقى ليك حق تكره المجال كلو !
الجيمز دى مش بتمت للواقع بصلة
دى بس كلمة مختصرة عن الموضوع
اول حاجة مش عشان تبقى جيمر يبقى عندك 2000 لعبة و 5000 جهاز
لا جيمينج هو انك تتعب و تتذل بالنت بتاعك عشان تنزل لعبة كبيرة
انك تقعد تحوش من مصروفك عشان تشترى لعبة اصلية
انك تختم اللعبة مش تقعد تنزل و خلاص
انك تحاول تستفيد من خبرة الناس لما تلعب اونلاين
انك لما تخسر تلعب تانى عشان تكسب متقمش قافل اللعبة و قايل ده انا زبالة فيها
بس بردو عشان تبقى جيمر لازم تعرف شوية حاجات مهمة
يعنى ايه مواصفات
ايه هى مواصفات جهازك
ايه لازمة المواصفات
ازاى تجيب مواصفات لعبة
يعنى ايه لو - ميديام - هاى - الترا
ايه التورنت
ليه التورنت
حاجات هتفيدك فى التورنت
اشهر مواقعو
المواصفات هى اللى تخلى جهازك يشغل العاب و العاب لا
عشان تجيب مواصفات جهازك تروح لـ My Computer او This Pc على حسب هى عندك ايه
و تضغط على الايقونة دى كليك يمين و تختار Properties ( هتلاقيها اخر واحدة فى الاختيارات )
هتلاقى قدامك البروسيسور - الرام - نوع الجهاز
و فيه حاجة كمان اسمها كارت الشاشة عشان تجيبو بقى تعمل الاتى
من المكان اللى جبت منه الرام و البروسيسور و كدة
هتلاقى عندك فى الجنب Device Manager او ادارة الاجهزة
و بعدين Display Adapters هتلاقيها سادس واحدة من فوق بعد اسم الجهاز معلش مش عارف اسمها بالعربى
بعدها هتلاقى قدامك كارت الشاشة بتاعك
ايه لازمة المواصفات دى بقى ؟؟
لازمة المواصفات دى ان هى اللى بتخليك تشغل الالعاب
سؤال مهم بقى !! ازاى اجيب مواصفات او متطلبات اللعبة ؟؟
بص مثلا انت عايز امكانيات لعبة Max Payne 1
تكتب فى جوجل max payne 1 system requirements
هتلاقى قدام نتايج البحث هتلاقى موقع Game Debate
الاول او التانى فى نتايج البحث
افتحو و انزل لتحت شوية لحد ماتلاقى جدول كدة
معنى الحاجات اللى فيه
CPU : قصدو البروسيسور
GPU : قصدو كارت الشاشة
OS : قصدو نظام التشغيل
Ram : معاناه الرامات
تمام فهمت مواصفات اللعبة ؟! تشتغل عندك ؟!
تمام
يعنى ايه لو - ميديام - هاى - الترا
لو يعنى اللعبة تشتغل عندك على اقل مواصفات او اعدادات
ميديام يعنى على اعدادات متوسطة
هاى يعنى تشتغل كويس
الترا يعنى تشتغل كويس جدا
ايه التورنت بقى ؟!
ده برنامج تحميل تقدر تحمل بيه اى حاجة
ليه تستعمل التورنت ؟!
عشان لو الكهربا قطعت او النت قطع على عكس التحميل المباشر بيرجع و بيكمل
الجاى دول شوية معلومات هتفيدك فى التورنت
لما تخش تنزل تورنت من الموقع اللى هحطو كمان كام سطر هتلاقى سيدرز و ليشرس
كل مالسيدرز يبقى كتير التحميل هيبقى اسرع و كل ماتقل هيبقى اقل
من اشهر الناس فى التورنت Nosteam - RG-Mechanics
اشهر موقع تورنت هو Kickass.so
عارف ان الموضوع مش قد كدة + سامحونى لو فيه اخطاء املائية او كدة
ارجو يعجبكم الموضوع ^^
#Kareemo
#Awesome
#Games
هو ايه اللى مش قد كدا ده موضوع تحفه اصلا :)
ردحذف