السلام عليكم ورحمة الله وبركاتة
اهلاً بكم اعضاء ومتابعين مدونة جيمز
النهاردة هكلمكم على موضوع من الممكن انه بيسير جدل فى بعض الأوقات وهو عن الفرق بين البي سي والكونسول
وعشان نبقا متفقين فى الأول .. ان كل حاجه ليها مميزاتها وعيوبها
واكيد البي سي والكونسول ليهم مميزاتهم وعيوبهم
ودلوقتى احب اعرض عليكم الفيديو كـ مقال مكتوب
لو جينا نخش فى الموضوع علطول ونتكلم عن اهم حاجه وهى ايه الفرق بين البي سي والكونسول من نحية الألعاب ودى اكتر ودى اهم نحية بتهم كل الجيمرز وفى النحية دى يتفوق فيها الكونسول على البي سي بكل تأكيد
طب ايه السبب ؟
السبب ان البي سي ملوش شركة معينة مختصة بيه .... مفتوح يعنى
مش زى اجهزة الكونسول زى مثلا
sony / ps / xbox / microsoft / natno / wii
مثلا وهكذا ..
فـ بالتالى كل الشركات الى احنا ذكرناها فهي بتنافس بعضها بألعابها .. والبي سي مظلوم
مش بينزله حصريات مثلا زى
sony والعابها
عموما لو البي سي نزل ليه حصريات هيبقا معظمها اونلاين و ... مش بترتقي خالص لجودة حصريات الشركات صاحبة الكونسول وخاصاً شركة سونى ومايكروسوفت
وكمان حاجة تانية اهتمام المطوريين بأجهزة الكونسول أكتر من البي سي وده بنلاحظه فى عدم صدور لعبة على البي سي نزلت على اجهزة الكونسول
وتأخير بعض الألعاب على نزولها للـ بي سي بعد نزولها على الكونسول
زى
gta v مثلا
اما لو جينا نقارن الجهازين من النحية التقنية فـ هنلاحظ ان البي سي متقدم بطريقة كبيرة وملحوظة من النحية التقنية
وده الى بنلاحظه فى الجرافيكس بتاع الألعاب متقدم جدا عن اجهزة الكونسول وخاصتاً لما تقدم
حاول تشوف ده بنفسك .. خش ع اليوتيوب وقارن بين لعبة على البي سي و الكونسول
وشوف الفرق بينها على البي سي و الكونسول وهتشوف الفرق ده بنفسك ان البي سي متقدم من نحية الجرافيكس او النحية التقنية
وده يرجع سببه ان البي سي جهاز مفتوح مش مغلق يعنى مش مغلق من نحية التطوير الهاردوير زى الكونسول
فـ الشركات تقدر تقول انها مش بيبقا قدامها ليميد معين زى الى بتواجهه فى اجهزة الكونسول وخاصتاً لما تقدم زى اجهزة الجيل الى فات
بلايستيشن 3 و الاكس بوكس 360
هيا بتقدم والهاردوير بيتقدم
بس لو جينا بصينا ليها من نحية تانية هنلاحظ انها ميزة حلوة جدا لأصحاب البي سي ولكن مكلفة فى نفس الوقت وخاصتاً فى مصر لـ غلاء الأسعار
يعنى مثلا دلوقتى نزلت لعبة زى مثلا
the wither 3
او gta v
وانتا جهازك ميشغلهاش هتضر انها تطور جهازك عشان تحسن بجودة الجرافيك ما بين الكونسول والبي سي
غير كده ممكن تشغلها على ميديام او اقل
برده مش هتبقا زى الكونسول اكيد برده هتبقا فيه فروقات
بس مش هتحس بفرق كبير غير لما على الترا اعلى حاجة
وده الى يخليك تقول طب ما اشترى كونسول احسن بقا واريح نفسي
مهيا كده كده واحد لو جيت بصيت ليها يعنى
بس برده فيه مشكلة وخاصتاً هنا فى مصر
ان سعر اى كونسول غالى وحتى لو ربنا كرمك واشتريته انت كده كده اه مش بتشتري كل يوم بس !! هل هتقدر تشتري كل الألعاب الى انتا عايزها واسعار الالعاب فى مصر غالية جدا
سواء بتشتري ألعاب من خلال المحلات الى هيا بتبيع الألعاب عن طريق الى هو تاخد سيديهات او بتشتري العاب من على الى هو الاستور وتنزلها .. برده !! لو اشتريتها من عالى الاستور سعر الدولار غالى
انا مش جاى فى الفيديو ده عشان احبطكم بس فعلا احنا كـ مصريين مظلومين فى عالم الجيمز جامد وفعلا محتاجين نعمل
ثورة الألعاب !!
طيب تعالوا بقا نتكلم فى الأخر ونحسم الأمر
احسن اجهز لـ الالعاب هنلاقى الكونسول هو الى بيتفوق بكتير كـ جهاز للألعاب لانه هو اصلا مخصص لـ كده
وخصوصاً اجهزة سونى ومايكروسوفت ..
السبب عشان دى بتعتبر اجهزة موجهه لـ
لعيبة الهاردكور جيمر
زى مثلا ناتيندو
ناتيندو الألعاب بتاعتها بتميل انها العاب عائلية او طفولية شوية او شويتين كمان يعنى
اى نعم اه ممتعة بس ممكن متتقرنش بـ مثلا الــ حصريات بتاعت الميكروسوفت او السونى
اما البي سي الميزة الوحيدة الى بتميزة هيا الجرافيكس لا غير
لو جيت كده تجمع كل مميزات البي سي وايه هو الحاجة الوحيدة الى بيقدمها من نحية الجيمز هتلاقي مفيش غير الجرافيكس
سواء بقا نزل لـ جيل جديد او مش جيل جديد .. البي سي برده هيفضل منتصر برده من نحية الجرافيكس وده يرجع سببه انه جهاز مفتوح فى الهاردوير
والهاردوير كل شوية بـيـتـقــدم
وكمان جهازك زى منا قولت لازم يكون محترم عشان خاطر تحس بين الفرق الحقيقي بي الكونسول والبي سي
يعنى لو حبينا نختصر كل الجهازين فى كلمتين
هنقول ان البي سي وحش الجرافيكس مع الشروط الى انا قولتها والى لازم تكون عندك
و أجهزة الكونسول وحش الألعاب
بس كده ده كان موضوع النهاردة والى حبيت انقيشكوم بيه لانى شوفت انه بيسير جدل شوية وبرده حبيت اوضح لـ الناس الى هيا مش فاهمة ..
ليست هناك تعليقات:
إرسال تعليق
شروط التعليق :
■ يجب على التعليق أن يكون ضمن سياق التدوينة ..
■ يجب على التعليق أن يكون بلا روابط إشهارية ..